Ucar rayonunun Quləbəndə kəndində şəhid Zülfüqarov Cəsarətin adını daşıyan tam orta məktəbdə 27 Sentyabr – Anım Günü münasibətilə tədbir keçirilib.

İcxeberler.com xəbər verir ki, tədbirdə məktəbin müəllim və şagird kollektivi, valideynlər və kənd ictimaiyyəti iştirak ediblər. Əvvəlcə Vətən uğrunda canından keçən şəhidlərin əziz xatirəsi bir dəqiqəlik sükutla yad olunub.

Çıxış edən natiqlər 27 Sentyabrın Azərbaycan tarixində şərəf və qürur günü olduğunu vurğulayıb, şəhidlərin qəhrəmanlığından danışaraq onların xatirəsinin daim uca tutulacağını bildiriblər.

Məktəblilər tərəfindən vətənpərvərlik mövzusunda şeirlər, mahnılar və ədəbi-bədii kompozisiya təqdim olunub.

Qeyd olunub ki, şəhidlərin göstərdiyi igidlik və fədakarlıq gənc nəsil üçün örnəkdir və onların xatirəsi daim yaşayacaq.
Şəhla Purqafari