Qaz təchizatı ilə bağlı qanun qüvvəyə mindi
Tarix: 19-08-2025, 17:02 |
“Qaz təchizatı haqqında” Qanun qüvvəyə minib.
“Qafqazinfo” xəbər verir ki, Prezident İlham Əliyev qanunun tətbiqi barədə Fərmanı imzalayıb.
Bu Qanun qaz təchizatı subyektlərinə, istehlakçılara, dövlət orqanlarına (qurumlarına), o cümlədən tənzimləyiciyə şamil olunur.
Qanuna əsasən, qazdan istifadə qaydaları hazırlanacaq.
Nazirlər Kabineti qazdan istifadə qaydalarını hazırlayıb 9 ay ərzində Azərbaycan Prezidentinə təqdim etməlidir.
Nazirlər Kabinetinə bu müddət ərzində qaz təchizatı sisteminə dair qaydaları hazırlamaq da tapşırılıb.
