İnsan Alverinə Qarşı Mübarizə üzrə QHT Koalisiyasının Qanunvericiliyin təkmilləşdirilməsi üzrə işçi qrupunun növbəti iclası keçirilib. Koalisiyanın sədri Mehriban Zeynalova bundan əvvəlki müzakirələrin yekunu olaraq təkliflərin ümumiləşdirildiyi və sistemləşdirildiyini bildirib. O, qeyd edib ki, Azərbaycan Respublikasında İnsan alveri qurbanlarının müəyyən etmə meyarları (indikatorlar) yeni tendensiyalardan qismən geri qalır. Belə ki, qəbul edilmiş meyarlar “Azərbaycan Respublikasının İnsan alverinə qarşı mübarizə üzrə Milli Fəaliyyət Planı (2009-2013-cü illər)”na uyğun olaraq hazırlanmışdır. Həmin dövrdən artıq on ilə yaxın vaxt keçir. Hazırda isə insan alverinə qarşı mübarizə üzrə 2020-2024-cü illərə dair MFP üzrə fəaliyyətlər planı başa çatıb və yeni fəaliyyət planı hazırlanır. Bu dövr ərzində insan alveri cinayətini həyata keçiriən, mütəşəkkil və transmilli qruplar da öz fəaliyyətini daimi təkmilləşdirərək yeni texnologya və üsullardan məharətlə istifadə edir. Qeyd edilən məqamlar əsas verir ki, insan alveri qurbanlarını müəyyən edilən indikatorlara (meyarlara) yenidən baxılsın. Həmçinin, insan alverinin potensial qurbanlarının dairəsinə yenidən baxmağa ehtiyac var. Eyni zamanda Nazirlər Kabinetinin qərarları ilə təsdiq olunmuş insan alveri qurbanlarının sosial reablitasiyası, zərərşəkmişlərin reinteqrasiyası, sığınacaqlara yerləşdirilməsi məsələlərini tənzimləyən qaydalar müasir dövrün ehtiyaclarına uyğunlaşdırılmalıdır.
İclasda Koalisiya sədrinin müavinini Şəmsəddin Əliyev, üzvləri Gülayə Quliyeva, Kəmalə Aşumova, Mahirə Əmirhüseynova, Südabə Məmmədova, Kübra Ələkbərova, Ağamirzə Bağırov, Zenfira Mustafayeva, Zaur İbrahimli öz fikirləri və təkliflərini səsləndiriblər.
M.Zeynalova bildirib ki, İşçi qrup növbəti müzakirəni İnsan Alverinə qarşı Mübarizə Baş İdarəsi əməkdaşları ilə keçirəcək və Koalisiyanın ilkin təklifləri diqqətə çatdırılacaq.