Beynəlxalq Narkotiklə Mübarizə Federasiyası Daxili İşlər Nazirliyinin dəstəyi ilə "Sağlam Gələcək Naminə" layihəsi çərçivəsində Suraxanı rayon Heydər Əliyev Mərkəzində dövlət nümayəndələri, İctimai Təşkilatların, Reabilitasiya Mərkəzlərinin və ictimai fəalların iştirakı ilə tədbir keçirildi.
Tədbiri giriş sözü ilə Beynəlxalq Narkotiklə Mübarizə Federasiyasının Azərbaycan təmsilçisi Orxan Şahbazov açaraq layihənin əsas məqsəd və hədəfləri haqqında məlumat verdi. 
Beynəlxalq Narkotiklə Mübarizə Federasiyasının Direktoru Röya Cümşüdova öz çıxışında layihəyədə  Daxili İşlər Nazirliyinin və İctimai Təşkilatların göstərdiyi dəstəyin vacibliyindən danışdı və dəstəyə görə Beynəlxalq Narkotiklə Mübarizə Federasiyasının rəhbərli və üzvləri adından minnətdarlığını bildirdi.
Daha sonra dövlət nümayəndələri, İctimai Təşkilat və Reabilitasiya Mərkəzlərinin rəhbərləri, ictimai fəallar çıxış edərək narkotik və narkotik vasitələrin ziyanları və cəmiyyəti məhv etməsindən danışaraq, belə tədbirlərin cəmiyyətimizdə sağlam düşüncənin formalaşmasında önəmli olduğunu vurğuladı və layihəyə uğurlarını arzuladı.
Tədbirin təşkilatçısı "Tarixi şəxsiyyətlər" jurnalının rəhbəri Xəlil Qarəhmədov, xüsusi fəallıq göstərən İctimai fəal Lalə Şirinzadə, Beynəlxalq Narkotiklə Mübarizə Federasiyasının üzvləri Möminə Çerpanova, Rauf Rəfiyev, Tural Namazov, Ramin Məmmədov, Təranə Mehdiyeva Samir Hüseynov, Araz Şahlaroğlu, İlkin Qurbanov layihə rəhbərliyi tərəfindən təşəkkürnamə ilə təltifləndirildi.
Tədbirin sonunda tədbir iştirakçılarına layihənin diplomları təqdim olundu.