Bakı şəhərində "Onlayn Ünsiyyət üzrə Beynəlxalq Sertifikasiya" adlı qrant layihəsinin açılış tədbiri keçirildi.

Tədbirdə Zaqatala rayonu Bəhmətli kənd Ə.Cavadov adına tam orta məktəbinin müəllimləri və təhsil ekspertləri iştirak etdi. Layihə, Azərbaycan Respublikası Elm və Təhsil Nazirliyinin dəstəyi ilə həyata keçirilən "Təhsildə İnkişaf və İnnovasiyalar üzrə VIII Qrant Müsabiqəsi" çərçivəsində maliyyələşdirilir.
Açılış zamanı layihənin rəhbəri Aliyə Süleymanova layihənin məqsəd və hədəfləri barədə məlumat verdi. Layihə çərçivəsində 30 nəfərlik pedaqoji və inzibati heyətin beynəlxalq səviyyədə tanınan ICDL sertifikatı ilə təchiz edilməsi planlaşdırılır. Tədbir iştirakçıları layihənin təhsildə rəqəmsal transformasiyanın sürətləndirilməsinə, həmçinin müasir onlayn ünsiyyət vasitələrinin tətbiqinə mühüm töhfə verəcəyini vurğuladılar.
Layihənin gedişatı ilə bağlı müntəzəm məlumatların ictimaiyyətə çatdırılması və geniş təbliği nəzərdə tutulur.