26.10.2024-cü il tarixində Elm və Təhsil Nazirliyinin Təhsildə İnkişaf və İnnovasiyalar üzrə VIII Qrant müsabiqə qalibi "Lesson Study Step by Step-tədrisdən tədqiqata doğru" layihəsinin aılış tədbiri keçirildi.
Açılış tədbirində müəllim və şagirdlərlə yanaşı qonaqlardan- layihənin eksperti Ramil Süleymanov, layihə çərçivəsində əməkdaşlıq ediləcək məktəblərdən 75 nömrəli tam orta məktəbin metodisti Əliyeva Könül, ibtidai sinif müəllimləri Əiyeva Aysel, Orucova Könül, Azərbaycan dili və Ədəbiyyat fənn müəllimi Rüstəmova Təranə, 237 nömrəli tam orta məktəbin ibtidai sinif müəllimi Qulubəyova Sənubər iştirak etmişlər. Tədbiri giriş sözü ilə açan layihə rəhbəri Vəfa Məmmədova layihənin məqsəd və vəzifələri, layihə çərivəsində görüləcək işlərə yanaşı Lessn Studynin yaranma tarixi, tətbiq edildiyi ölkələr barəsində ətraflı məlumat verdi. O bildirdi ki,  layihənin məqsədi müəllim tədqiqat qruplarının məqsədyönlü əməkdaşlığını yaratmaqla tədrisin və öyrənmənin davamlı olaraq təkmilləşdirilməsinə və biliyin keyfiyyətinin yüksəldilməsinə yönəlmiş birgə refleksiv məktəb təcrübəsini inkişaf etdirməkdir. Layihənin vəzifələri: -Müəllim ehtiyaclarının müəyyən etmək; -Lesson Study tədqiqat prosesi ilə müəllimləri tanış etmək; -Uyğun tədqiqat modeli əsasında addımları həyata keçirmək; -Tədqiqat nəticələrini paylaşmaqdır. Layihə nəticəsində müəllimlər: -fənn biliklərini genişləndirəcək; -effektiv metod və üsullar seçəcək; -pedaqoji biliklərini təkmilləşdirəcək; -tədqiqat işi aparmaq və təcrübəni inkişaf etdirmək üçün digər həmkarları ilə əməkdaşlıq edəcək; (tədqiqatçılıq bacarıqları inkişaf edəcək) -şagirdi tanımağı və onun necə öyrəndiyini, necə düşündüyünü başa düşəcək; -şagirdin biliyinin keyfiyyətinin yaxşılaşdırılmasına nail olacaqlar. Çıxış edən qonaqlar layihə mövzusunun günün aktual problemlərindən biri olan müəllim əməkdaşlığı-birgə müşahidə, birgə planlaşdırma, birgə təhlil prosesində müəllimlərin birgə öyrənmə ideyasının formalaşdırılmasını təşviq etməsini müsbət hal kimi qiymətləndirərək müəllimlərin öz peşəkarlıq səviyyəsini yüksəltməklə təhsilimizə verə biləcəkləri töhvələrdən danışdılar.