MR-nin sinif mühitində istifadəsini araşdırmaqla ən müasir və sınanmış beynəlxalq təcrübələrin öyrənilməsi çərçivəsində əvvəlcə https://www.microsoft.com/en-us/search/shop/apps?q=victoryvr platformasından şagirdlərin müxtəlif yaş kateqoriyasına uyğun istifadə olunan MR alətləri araşdırılmışdır. MR alətlərindən istifadə olunmaqla keçilən dərslər yerli dərslərlə uyğunlaşdırılıb və dərs planlarının istfadəsi üçün bir neçəsi tərcümə olunmuşdur.  MR alətlərinin alınması və dərslərdə istifadəsi sınaqdan keçirilmişdir. Sosial şəbəkə və müəllim qruplarında layihənin fəaliyyət istiqamətləri haqqında paylaşımlar edilib. Müəllimlər məlumatlandıqdan sonra MR -dən dərslərdə istifadəyə maraqlı olan müəllimlər sorğu əsasında seçilib, birliyə daxil edilib. Birlik üçün ən azı 60 müəllimin seçilmiş və Qarışıq reallıq yaradan alətlərin və qurğunun sinif mühitində istifadəsi istiqamətində təlimatlandırma aparılmışdır. Təlimatlandırma 12 akademik saat olmaqla həftədə 3  dəfə olmaqla 4 akademik saatdan keçirilmişdir. Müəllimlər təlimatlandırıldan sonra, növbəli şəkildə Holo lens alətinin həmin müəllimlərin dərsində tətbiqi icra olunmuşdur. Hər müəllim tərəfindən 1 nümunə dərs hazırlanıb və bu alət növbə ilə bu müəllimlərin dərslərində nümayiş olunmuşdur. Nümunə dərslər zamanı eyni zamanda VR və AR alətləri də istifadə olunmuşdur.