Bu gün Fransanın paytaxtı Parisdə 2024-cü il Yay Olimpiya Oyunlarının açılış mərasimi keçiriləcək. “Qafqazinfo” xəbər verir ki, açılış mərasimi Sena çayında keçiriləcək. 
Tarixdə ilk dəfə mərasim stadiondan kənarda olacaq. Ümumilikdə 10 min 500 idmançı Sena çayından qayıqlarla keçəcək. 
Açılış mərasimi Bakı vaxtilə saat 21:30-da başlayacaq. 
Qeyd edək ki, Azərbaycan millisi Fransada 48 idmançı ilə təmsil olunur. Yığma 15 idman növü üzrə 17 proqramda çıxış edəcək. Paris-2024-ə avqustun 11-də yekun vurulacaq.