“Venesuelanın vitse-prezidenti Delsi Rodrigez düzgün davranmazsa, Madurodan da böyük nəticələrlə üzləşə bilər”.
“Qafqazinfo” xəbər verir ki bunu ABŞ lideri Donald Tramp nüfuzlu “The Atlantic” jurnalına açıqlamasında deyib.
Tramp eyni zamanda ABŞ-nin Venesuelaya hərbi müdaxiləsini müdafiə edib:
“Əgər belə olmasaydı, vəziyyət daha pisləşərdi. Bu addım rejim dəyişikliyi və yenidənqurma üçün labüd idi”.
Trampın diqqətçəkən açıqlamalarından biri də Qrenlandiya ilə bağlı olub. O, Qrenlandiyanın strateji baxımdan son dərəcə vacib ərazi olduğunu vurğulayaraq, ABŞ-nin milli təhlükəsizliyi və Arktikadakı mövqeləri baxımından bu adanın böyük əhəmiyyət daşıdığını bildirib:
“Qrenlandiya mövzusu sadəcə torpaq məsələsi deyil, qlobal güc balansı ilə bağlıdır. Qrenlandiya bizə lazımdır. Mütləq lazımdır”.