Venesuelanın devrilmiş prezidenti Nikolas Maduro ABŞ həbsxanasındakı vəziyyətinin yaxşı olduğunu deyib.
Axar.az Globalinfo.az-a istinadla xəbər verir ki, bu barədə keçmiş liderin oğlu məlumat yayıb.
Parlamentin üzvü Nikolas Maduro Qerra atasının Silia Floreslə (həyat yoldaşı) birlikdə məhkəməni gözlədiyini bildirib.
“Hər şey yaxşıdır, biz döyüşçüyük”, – Nikolas oğluna çatdırıb.
Qeyd edək ki, yanvarın 3-ü ABŞ hərbi qüvvələri Venesuelanın paytaxtı Karakasda və ətraf ştatlarda 11 strateji hədəfə genişmiqyaslı zərbələr endirib. Əməliyyat nəticəsində ölkə Prezidenti Nikolas Maduro xanımı Silia Floreslə birlikdə ələ keçirilərək Nyu Yorka aparılıb.