Cəlilabad Rayon Mərkəzi Xəstəxanasının direktor müavini işdən ÇIXARILDI
Tarix: 16-11-2024, 10:42 |
Cəlilabad Rayon Mərkəzi Xəstəxanasının direktor müavini işdən çıxarılıb.
Oxu.Az xəbər verir ki, "Cəlilabad Rayon Mərkəzi Xəstəxanası" publik hüquqi şəxsin direktorunun terapevtik xidmətlər üzrə müavini Sənubər Ağamehdi qızı Manafova əmək müqaviləsinin müddətinin qurtarması ilə Tibbi Ərazi Bölmələrini İdarəetmə Birliyinin icraçı direktoru Vüqar Qurbanovun müvafiq əmrinə əsasən tutduğu vəzifədən azad edilib.
Onun yerinə hələlik təyinat olmayıb.
Qeyd edək ki, S.Manafova bu vəzifəyə 2022-ci ilin avqust ayında təyin edilib.
