Şirinova Xədicə Xanoğlan qızı 2010- cu ildə, Bakı şəhəri, Suraxanı rayonunda anadan olub. 24 nömrəli tam musiqi məktəbində xanəndəlik təhsili alıb. Hər zaman, özünü nizam intizamlı, səhnədə fərqli  göstərməyə çalişan Xədicə Şirinova saza -sözə olan marağını bizimlə bölüşüb:  "Saz sənətinin vurğunu olduğum üçün saza daha çox maraq göştərirəm. Ona görə ki, mənim əslim Qərbi Azərbaycanin Göycə Mahalının Zərkənd kəndindəndir. O kəndin füsunkar təbiəti, insanlarinin saza sözə olan marağı,  Dəfə Ələsgər ruhundan qaynaqlanmişdir. Mənim ulu babam da aşiq İdris olmuşdur. Aşıq İdris də Göyçə mahalınin tanınmış ən məşhur aşıqlarından idi. Onun da çox gözəl səsi, zənguləsi, insanlara olan böyük məhəbbəti dillər əzbəri olmuşdur. Böyük Vətən müharibəsinə getmiş bir daha qayıtmamışdır. Hələ də onun haqqında xeyli məlumatlar toplanmaqdadir. Mənə elə gəlir ki, mən də onun davamçısi ola bilərəm. Axı Göyçə mahalı aşiqlar yurdudur. Aşiq Alı, aşıq Ələsgər, aşıq Hacı, aşıq Fətullah, aşıq İdris misal ola bilər. Bunların hər biri böyük ustad olub. 
DVT, MTV, Çeşme folklor qrupunda, Aşiq Pəri məclisində, Xarı bülbül saz ansamblı qrupunda da bir çox efirlərə çıxmışam. Eyni zamanda "İstedadları tanıyaq və tanıdaq" İctimai birliyinin bir çox tədbir və müsabiqələrində iştirak etmişəm. Qaralar kənd orta məktəbində 9- cu sinif şagirdi olaraq təhsilimi davam etdirirəm. Mənim bu sənətə gəlməyimdə, və saza maraq göstərməyimdə nənəm Sədaqətin böyük əməyi vardır. Bununla belə bu gözəl sənətimi davam etdirəcək, püxtələşəcək, həm də orta təhsilimi yüksək səviyyədə  saxlayacağam".
Biz də gənc istedad Xədicə Şirinovaya yaradıcılıq uğurları arzu edirik.