Fidan Əliyevanın yaşı az olsa da, həm yaşıdlarının, həm də böyüklərin sevgisini qazanıb. Fidanla onun kiçik yaşlarından bu günə qədər əldə etdiyi uğurlarından danişdıq.

-Fidan, özünü təqdim elə səni daha yaxından tanıyaq.
-Əliyeva Fidan Ruslan qızı. 311 saylı tam orta məktəbin 6a sinif şagirdiyəm. 
– Fidan sən çox gözəl qiraətçisən, gözəl rəqs edirsən, dərs əlaçısısan. Eyni vaxtda hər birinə vaxt ayıra bilirsən, günlük planlaman necədi?
-Mən hər gün üçün kiçik bir plan qururam. Dərs vaxtımı, məşqləri və istirahətimi düzgün bölüşdürməyə çalışıram. 
– Ən çox hansı mövzular haqqında şeir söyləməyi sevirsən?
-Ən çox Vətənpərvərlik mövzusunda şeirləri söyləməyi sevirəm.Bu mövzular məni çox təsirləndirir.
–Boş vaxtlariında nə edirsən ?
-Boş vaxtlarımda kitab oxuyuram, musiqiyə qulaq asıram və rəqs etməklə məşğul oluram.
– Böyüyəndə kim olmaq istəyirsən?
-Böyüyəndə jurnalist və teleaparıcı olmaq istəyirəm. İnsanlarla ünsiyyətdə olmağı çox sevirəm. 
– Uğur qazanmagında ən çox kim dəstək olub?
-Ən böyük dəstəkkim anamdır. Anamın motivasiyası və inamı mənə güc verir.
-Ən sevdiyin şair və ya yazıçı kimdir?
-Ən çox B.Vahabzadənin şeirlərini sevirəm.
-Uğurlu çıxış üçün nələrə diqqət edirsən?
Uğurlu çıxış üçün səsi düzgün istifadə etmək, sözləri aydın və hissələrlə söyləmək çox önəmlidir.
-Hansı tədbirlərdə çıxış etmisən?
"İstedadları Tanıyaq və Tanıdaq" İB-nin təşkil eydiyi bir çox tədbirlərdə, müsabiqələrdə uğurlu çıxışım olub. Yaddaqalan görüşlərdən biri də millət vəkili Razi Nurullayev ilə olan görüş olub. Bu cür görüşlər bizim uğur yolumuzda böyük stimul olurdu.  Bir neçə müsabiqələrdə və məktəbimizin tədbirlərində də iştirak etmişəm. İştiraketdyim qiraət müsabiqələrində həmişə 1 -ci yeri tutmuşam.
 

 -İndiyədək səhnədə hansı əsərləri səsləndirmisən?   
Ən çox Şəhidlər haqqında Vətənpərvər şeirləri səsləndirmişəm. Bu şeirlər mənə həm qürur verir həm də duyğulandırır. Bəzən səsləndirdiyim şeirlərin müəllifi özüməm. Vahid Əziz, Ramiz Rövşən, B. Vahabzadə və başqaları.              
Təşəkkür edirik, Fidan! Sənə gələcək fəaliyyətində uğurlar arzulayırıq. Səsin hər zaman ilham mənbəyi olsun!