Bank əmanətçilərinin depozit gəlirləri beş ayda 600 mln. manatı ötüb
Bu ilin yanvar-may aylarında Azərbaycanda bankların cəlb etdikləri depozitlər (əmanətlər) üzrə faiz xərcləri 603.6 milyon manat təşkil edib.
“APA-Economics” Azərbaycan Mərkəzi Bankına (AMB) istinadən xəbər verir ki, bankların depozitlər üzrə faiz xərcləri ötən ilin eyni dövrü ilə müqayisədə 21,06% və ya 105 milyon manat, aylıq müqayisədə isə 25,6% və ya 123 milyon artıb.
Xatırladaq ki, yanvar-may aylarında Azərbaycanda fəaliyyət göstərən 22 bank ümumilikdə 1 milyard 798.6 milyon manat faiz gəliri əldə ediblər.
