İranın İspaniyadakı səfiri Rza Zəbib milli komandanın 2026-cı il Dünya Kubokunda iştirakı ilə bağlı sualı cavablandırıb.
Axar.az Publika.az-a istinadən xəbər verir ki, səfir bu barədə İspaniya mətbuatına danışıb:
“Bu, çox çətin dövrdür. Biz öldürülən 100 qızın xatirəsini yad edirik. Həyatlarını qurban verən günahsız uşaqların.
İran Dünya Kubokuna gedəcək, bizim orada olmaq hüququmuz var. Bizim heç bir problemimiz yoxdur, biz gedəcəyik”.
Qeyd edək ki, İsrail və ABŞ 28 fevraldan İrana qarşı hərbi əməliyyata başlayıb. Zərbələr nəticəsində İranın ali dini lideri Əli Xamenei başda olmaqla, onlarla yüksək səviyyəli məmur ölüb.
İran cavab olaraq ABŞ-ın bölgədəki hərbi bazalarına və İsrailə zərbələr endirir.