Şəmkirdə qəza nəticəsində ölən sürücünün kimliyi məlum olub.
APA-nın yerli bürosunun məlumatına görə, o, Daşkəsən rayon sakini, 2000-ci il təvəllüdlü R. İbrahimovdur.
02:36
Şəmkirdə ölümlə nəticələnən ağır yol-nəqliyyat hadisəsi baş verib.
APA-nın yerli bürosunun məlumatına görə, hadisə Bakı-Qazax magistral yolunun rayon ərazisindən keçən hissəsində qeydə alınıb.
Belə ki, hərəkətdə olan “Ford Transit” markalı avtomobil “Kamaz” markalı yük avtomobilinin qoşqusuna çırpılıb.
Qəza zamanı “Ford” markalı yük avtomobili deformasiyaya uğrayıb. Dərhal hadisə yerinə FHN-in Dövlət Yanğından Mühafizə Xidmətinin Şəmkir Rayon Dövlət Yanğından Mühafizə Hissəsinin yanğınsöndürən xilas-ediciləri cəlb edilib.
Xilasedicilər tərəfindən deformasiyaya uğrayan avtomobildən bir nəfərin meyiti çıxarılaraq aidiyyəti üzrə təhvil verilib.
Hazırda ölən şəxsin kimliyi dəqiqləşdirilir. Hadisə yerinə polis əməkdaşları cəlb edilib.
Faktla bağlı araşdırma aparılır.