Gənc ifaçılar Sevinc Yusifova,  Zakir Tarverdiyev, Namizəd Əhmədov, Aqşin Nərimanov, Yusif Allahverdiyev, öz gözəl ifaları ilə ilk solo konsertlərini uğurla başa vurdu. 

Xanəndə metodist Vəsilə xanım Quliyeva və Tarzən, fəxri mədəniyyət işçisi İntiqam Abbasov çıxış edərək tələbələrini uğurlu çıxışlarına görə təbrik edib öz tövsiyyələrini verdilər, təşkilatın icra etdiyi çoxsaylı layihələrdə gənclərə dəstəyini xüsusi vurğulayan müəllimlər bu sahədə istedadlı gənclərə hər zaman öz dəstəyini göstərəcəklərini bildirdilər.  Təşkilat sədri Vüsalə Sadıqova (Qələndərli ) bir daha gəncləri təbrik etdi, onlara dövlətin diqqət və qayğısından bəhs edərək  icra etdiyi layihələrin müsbət nəticələrini xatırlatdı. Təşkilat sədri qeyd etdi ki bundan sonra da istedadlı gənclərin inkişafı istiqamətində həm Qeyri-Hökumət Təşkilatlarına Dövlət Dəstəyi Agentliyinin dəstəyilə, həm də təşkilatın  öz imkanları daxilində maraqlı və faydalı, ən əsası  nəticəyönümlü layihələrin davamlılığını qoruyub saxlamaqla layihələr icra ediləcək və maraqlı tədbirlər keçiriləcək. 

Sonda istedadlı gənclərə və müəllimlərə diplom təqdim olundu.