ABŞ və İran arasındakı diplomatik prosesdə irəliləyiş əldə olunub.
“CBS News” xəbər verir ki, bunu ABŞ Dövlət Katibi Marko Rubio İranla bağlı danışıqları şərh edərkən deyib.
O bildirib ki, İranla müharibəni dayandırmağa yönəlmiş mümkün razılaşma ilə bağlı dolayı danışıqlarda “bir qədər irəliləyiş” var və bu müsbət haldır.
Bununla belə, Rubio İranın uran zənginləşdirməsi məsələsində həll olunmamış fikir ayrılıqlarına işarə edib və Tehranın Hörmüz boğazında ödəniş sistemi yaratmaq cəhdlərini qəbuledilməz adlandırıb.
ABŞ Dövlət Katibi bildieib ki, əgər İran boğazı yenidən açmaqdan imtina etsə, ABŞ və tərəfdaşlarının ehtiyatda “B planı” olmalıdır.
“Mənim hazırda sizin üçün xəbərim yoxdur, amma bəlkə bu gün, bir qədər sonra olar. Ola bilsin ki, heç olmasın da. Ümid edirəm ki, olacaq, amma hələlik əmin deyiləm”,- Rubio İranla danışıqlara işarə edərək deyib.