Rusiya PUA-larla Odessaya hücum edib, ölən və yaralılar var
Tarix: 11-04-2026, 10:07 |
Rusiya ordusu aprelin 11-nə keçən gecə Ukraynanın Odessa şəhərində pilotsuz uçuş aparatları (PUA) ilə kütləvi zərbələr endirib.
Bu barədə UNİAN məlumat yayıb.
İlkin məlumata görə, iki gənc həlak olub, bir neçə nəfər yaralanıb.
Hücum nəticəsində mülki infrastrukturun ciddi zərər gördüyü vurğulanıb. Onlarla fərdi və çoxmənzilli yaşayış binası, yataqxana, eləcə də uşaq bağçasının binası zədələnib. İctimai iaşə obyektləri və digər infrastruktur qurumlarının da zərər çəkdiyi qeyd edilib.
